Коми кывлöн во

Тайö восö шуöны коми кывлöн воöн и, тöдöмысь, унатор индöма вöчны. Мед эськö ставыс бур вылö лоö, мед коми кывйыс пыдö на вужъясьö, а пучерыс сылöн веськалö, мед йылыс пашкырасьö шондi водзас, коль вайö.
Висьöм понда ме кутшöмакö öтдортчи нин ыджыд олöмсьыс, но лысьта на шуны, мый бöръя ветымын воас меным унаысь нин ковмылiс шыасьлыны да сувтлыны Коми дорыс. Кувтöдз югыд висьöмöн и лои меным тайö!
Сiйöн и вöзъя тайö кык кывбурсö!


Коми ёрд*


                                                                                              Мый оз шогöд, мый оз сулы,
                                                                                              Огö бырöй Енмыс улысь!
                                                                                              Кöсйысямöй ниа пулы,
                                                                                              Кöсйысямöй чудлöн гулы,
                                                                                              Кöсйысямöй Эжва юлы,
                                                                                              Кöсйысямöй Коми мулы,
                                                                                              Кöсйысямöй сьöлöм тырöн –
                                                                                              Некор татысь огö бырöй!
                                                                                              Нинöм вылö!

 

Асланым кольö на ловным

                                                                                       Мед швичкö на вой тöв и лымйыс оз сыв,
                                                                                       Мед няньным нин бырö и совным,
                                                                                       Ми видзам на тэнö, му пуксьöмса кыв,
                                                                                       И асланым кольö на ловным.
                                                                                       Тан миянлöн ваным, мед сувтлö и йи,
                                                                                       И биным тан – перйыны шоныд.
                                                                                       И кöсъям на комиöн сёрнитны ми
                                                                                       И комиöн му вылас лоны!


Урасьöм тöлысь, 16-öд лун

_______________
* Ёрд – клятва.